بيان 12 يوليو
طالع بيزعق :)
عادي هو لمجرد انه راجل عسكري فا متوقع انه بيكلم الكتيبه بتاعته
واحنا عادي هانتقبلها بعبط وسذاجه ..مالشعب والجيش ايدواحده
الله يقطع لسان اول واحد هتف بأم الشعار ده
لكن الكلام الصح بقا : هو ان الجيش ده بتاعنــــــــا يعني هو والشرطه في خدمتنـــــــــــا
للحراســـــه والسهــــــــــــر علي أمـــــــــن الشعــــــــــب
اللي هـــــو احنــــــــــــــا
اللي لينـــــــا اصلا كل السياده والسطوه والسلطه والكلمه الاولي والاخيره
بس مش عارفه ليه عدد مرضي استوكهلم في ازدياد
عاشقي الساده و عاشقي العبوديه
اللي ماقتنعوش بأننا ارتحنا من المخلوع
فانطلقو بالهتافات والتهليل ومسح الجوخ للمجلس العسكري
غض النظر عن اصحاب المصالح زي الاخوان مثلا علي سبيل المثال وليس الحصر
انما انا اقصد اللي بييظيطو فالزيطه لا لسبـــــــــــب الا حب العبوديه
وعشق التهزيق وامتهان الكرامه
غض النظر عن اصحاب المصالح زي الاخوان مثلا علي سبيل المثال وليس الحصر
انما انا اقصد اللي بييظيطو فالزيطه لا لسبـــــــــــب الا حب العبوديه
وعشق التهزيق وامتهان الكرامه
تكونش متلازمه استوكهلم معديه؟؟؟؟
ولو مش معديه ...يبقو المرضي دول كتير ليه كده؟؟؟؟؟؟
ولو مش معديه ...يبقو المرضي دول كتير ليه كده؟؟؟؟؟؟
ماعلينا يعني منهم
ردي المتواضع علي سياده اللواء
انــــي كأحـــــــــــد افراد الشعب
اللي لا هو بلطجي
ولا مندس
ولا قلـــــــــــــــه
ولا عميل
ولا خاين
ولا صاحب اجندات ولا كشاكيل ولا الكلام المستهلك ده
عـــــــــن نفســـــــــي
انا مش زعلانه منك يا سياده اللواء خاااااااااالص
ببساطه لأن البيان كان so funny بالنسبه لي شخصيا
الموضوع مش مستاهل زعل يااخوانا الزعلانين
الزعل ده بين واحده وخطيبها
بين واحد وامه
بين واحد وامه
والجيــــــــش لا خطيبنا ولا هو امنا ولا ابونا
الجيش شغال عندنا يا خلق يعني احنا مش ملزمين نقدم فروض الولاء والطاعه للجيش بالشكل المهين ده
الجيش له الاحترام ولنا حقنـــــــــــــــــــــا
وزي ما له الاحترام لازم يعاملنا بمنتهــــــــــــــي الاحترام
ماينفعش حد يطلع يزعق لنا
ويهددنا
ويعاملنا كابلطجيه
يعني افهم انا ايه من التهديد اللي قال ايه متوجه للبلطجيه
انه لو الاعتصام استمر هايفضوه بالقوه زي السويس كده
والله عيب
عيييييييييييييب
الجيش شغال عندنا يا خلق يعني احنا مش ملزمين نقدم فروض الولاء والطاعه للجيش بالشكل المهين ده
الجيش له الاحترام ولنا حقنـــــــــــــــــــــا
وزي ما له الاحترام لازم يعاملنا بمنتهــــــــــــــي الاحترام
ماينفعش حد يطلع يزعق لنا
ويهددنا
ويعاملنا كابلطجيه
يعني افهم انا ايه من التهديد اللي قال ايه متوجه للبلطجيه
انه لو الاعتصام استمر هايفضوه بالقوه زي السويس كده
والله عيب
عيييييييييييييب
الجيش قطاع في الدوله واجبه حمايتنا من الاخطار الخارجيه
وفي الظروف الراهنه هو قطاع في الدوله واجبه حمايتنا من الاخطار والخارجيه والداخليه
ده طبعا ما ان الداخليه رفعت شعار المرحله الجديد وهو شعار الطرطور
ولأني مش زعلانـــــــــــه زي ما سبق وقلت
فانا مصممــــــــــــــه علي موقفي
ورأيي ورغم اني لي ظروف خاصه تمنعني ان اكون معتصمه بشكل كامل
الا اني (مشااااااااااااااااااااااااااركه) وهافضل اشارك لحد آخر نفس طالع مني
ولحد آخر شهقه في روحي
ومش هتنازل الا بــــــــتحقيق المطالب كااااااااااااااااااامله
كاااااااااااااااااااامله مش بس 4مطالب :)
ونصيحتي ليك ياسياده اللواء
بلاش موضوع الصباع ده عشان احنا كاشعب اتخنقنا من الصوابع
خلاااااااااااااص يعني استكفينا
خلاااااااااااااص يعني استكفينا
الداخليه يرقصولنا ويعملو حركات بصوابعهم
وعمرو بيه موسي مش كفايه السيجار لا برضو الصبااااااااااع
واخيــــــــــــــــــرا حضرتـــــــــــك طالع تهددنا بصباعك وتتوعد
يكونش الصباع هــــــــــو شعار المرحله ؟ ؟ ؟
مع فارق الصباع والمغزي (عشان بس اكون منصفه)
يعني بعد مرحله الطرطور نبداء مرحله الصباع ولا ايه الموضوع؟؟؟؟؟؟؟؟
مع فارق الصباع والمغزي (عشان بس اكون منصفه)
يعني بعد مرحله الطرطور نبداء مرحله الصباع ولا ايه الموضوع؟؟؟؟؟؟؟؟
اتمني الموضوع مايعديش الصوابع
لسبب بسيط اوي هو ان احنا الشعب منكو وفيكو يا جيشنا العظيم
يعني الصباع راجعالكو راجعالكو
تحياااااااااااااااااااااااااااتي مش بـــــــــــــس من القلب لااااااااااء
من اصابعــــــــــــي العـــــــــشره
من اصابعــــــــــــي العـــــــــشره
واحده من القله المندســــــه هههههههههههههههههههههههه
ليست هناك تعليقات:
إرسال تعليق