الخميس، 26 مايو 2011

(قبيله مصر المباركيه)



(قبيله مصر المباركيه)


وهذا هو الاسم اقترحه علي المجلس الموقر او رئاسه الوزراء ايا كان المعني بأمروطني الحبيب لان اللي بيحصل من فزاعات وتخويف وتباطؤ في العداله والاحكام القضائيه المؤجله ثم مؤجله ثم مؤجله واطلاق سراح الحراميه مقابل حفنه من الاموال او مايوازي سره من الدنانير مايعرف فالمجتمعات القبليه  (بالديـــه) ودعوات رحمه شيبته مبارك وسن مبارك واللي خلفو مبارك الله يلعن ابو اللي جاب مبارك عاليوم الاسود اللي حكم فيه مصر
كل ده مخليني شايفةمصر فصوره قبيله والحاكم العسكري قايم بدور ابن عم شيخ القبيله المخلوع او ابن خالته يعني عيبه كبيره يعض فيه يبقا نعمل ايه مع الشعب الحمووووووووووووووول اللي اتحمل لما انفجر نطبطب عليه ونلهيه ونضحك عليه
ولما يكتشف اننا بنشتغله نخاصمه ونقوله مش لاعبين ياشعب 
انتو العبو قدام بيتكو فالتحرير واحنا نلعب قدام بيتنا يا شعب
بالذمه مش عيب
بالذمه ده مش تصرف اقل ما يوصف به انه تصرف اهبل 
والله ما كنت اتوقع بيان الجيش ده بيان مستفز يعني ايه كده
لاء بقا يا عم الجيش انت ملزم تحميني ولا هو ام كل سلطه فالبلد دي لازم يجيلها وقت وتتفرعن وترهب 
بجد جد أوت منك يا جيشي الحبيب يالي مش بالضروره تكون  كلك لك نفس رأي المجلس واكييييييييييييييد اكيييييييييييييييييد 
معظم ان مكانش كل ظباط وافراد الجيش فمصر معانا وحسين بينا
وبالنار اللي قايده في قلب كل حد من الظلم وعدم محاكمه الفاسدين والتباطؤالمخجل ده

ممممممم   تعبت ومش قادره اكمل يمكن يكون لي عوده 

وسلامتكم ودي هلوستي الصباحيه انهارده واتمني اني انزل التحرير وكل اللي عنده فرصه ينزل ومانزلش يبقا جزمه قديمه ومايستاهلش يشم هوا البلد دي

ليست هناك تعليقات:

إرسال تعليق